ورد الصحيفة على بريدها الإلكتروني sakheeer@gmail.com البريد الإلكتروني التالي

أحد المواطنين صور رادرات المرور الجديدة ) السرية ( والتي لا يعلم عنها أحد فنرجو من الجميع عند مشاهدتها عدم إفشاء هذا السر ، حتى إذا كنت في أحد الطرقات وشفتوا السيارات هذي سوو نفسكم ما دريتوا وأسرعوا علشان يصيدكم الرادار ، يمكن إذا نجحت هذه الخطة ، ما يفكرون بخطط جديدة لإستنزاف المواطنين بالقسايم ويتفرغون لحل مشكلة الإزداحامات.

نص الإيميل والصور المرفقه معه ( تصوير إبو إبراهيم (.

بسم الله الرحمن الرحيم

ـ كنت على طريق الإمام محمد بن سعود بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي ,  و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق :

صورة أخرى للكميرة والرادار :



هذه اللي عند جامعة الأميرة نورة بعد ماديورت والله ولافي أمل تشك فيها :



وهذه اللي بعد تقاطع أبو بكر , مسكين خربان عليه الموتر ومولع فليشر !!



وهذه اللي بعد الملك عبدالعزيز :






طبعاً اليوم كانت على طريق الإمام سعود بكرة يمكن في الشفا وبعده في خنشليه وبعده في العليا


المطلوب : خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة

..