مشاركة إرسلها أحد قراء صحيفة ساخر الإلكترونية عبر بريدها لإلكتروني تناول فيها قصة زيادة ومكافأة من رئيسهم في العمل، إلا أن زبانية المحاسبة حجبت هذه الزيادة بإحتيال ، نترك لكم قراءة القصة بقلم كاتبها الذي لم يدرج إسمه في الرسالة.

إستمرار...لمسلسل المرار ....والقرف ....وشغل التزاكى على خلق الله ..الغلابه ...حدث الآتى

تعالو مع بعض نحسب الحسبه الظريفه دى ...ولو إن محسوبكم مش قد كده فى الحساب ..بس كتر الحزن بيعلم البكى .

طول عمرى شاب بياخد الفلوس من هنا ويدبها فى جيبه من هنا...من غير ما يعرف حتى عددهم..

لكن بقى منه لله اللى علمنى أعد الفلوسات..

وبدأت احسبها ..وساعتها إكتشفت إنى خرونش كبير وكنت بتقنطر طول الوقت..

دلوقتى لما الريس نزل 30 % زياده على المرتبات ..إيه اللى حصل ...الراجل المحترم بتاع الحسابات فى شركتنا ...فكر فكره يعلى بيها قدام مدير الشركه ويكون قدامه واد عقر...

حسبها مع نفسه وقال...

لو انا أضفت ال30% دول على المرتب ...الحافز بتاع الموظفين كمان هايزيد ...طالما الراتب زاد....طب ليه الغلابه ياكلو؟؟؟حرام؟؟؟...كده يتعلموا الفجعه وقلة الأدب..وإحنا عايزين نصنع شعب محترم...يبقى الحل فين ؟؟؟

قعد الشيطان الإنسى ده يفكر يفكر يفكر إزاى يخلص من المشكله اللى حطته فيها زيادة سيادة الرئيس للمرتبات...ووصل للحل التالى ...ركزوا معايا وحياة أبوكو

قال أنا ها أقبض العمال الراتب زى ما هو ....بس لما ييجى الحافز بقى ...أمضى الناس على ورقتين ورقه بال30% الملعونين دول ...وورقه باللى إتبقى من الحافز ( اللى هو هو مازادش ولا حاجه ) وبكده أبقى قنطرت الموظفين وخليتهم يمصوا صوابعهم ...وفى نفس الوقت أنا قدام الحكومه بييييييس...وورقى سليم...منا خليت الموظفين يمضوا إنهم إستلموا الزياده ...اللى هى جزء من الحافز أصلا و اللى بالمناسبه ....هو هوووووووووو مازادش مليم

(كل القصه أخد جزء منه سلمهولك بورقه تانيه اللى هى ؟؟؟.....إسم الله على مقامك 30 % بتوع الزياده )

وراحت زيادتك يا صابر....

حد يلحق يجرى على التجار يفهمهم الحسبه دى قبل ما يولعوا الدنيا ويبقى إتنين عووووووور

للمشاركة في قسم سوالف إخبارية ترسل المشاركات على

 sakheeer@gmail.com

..